راگەیاندراو

پەیامی پارتی لیبرال دیموکراتی کوردستان بە بۆنەی کۆتایی هاتنی کۆنگرەی ١٧ حدکەوە.


پەیامی پیرۆزبایی پارتی لیبرال دیموکراتی کوردستان بە بۆنەی کۆتایی هاتنی ١٧ هەمین کۆنگرەی حیزبی دیموکراتی کوردستان.

بۆ: بەڕێزان ئەندامانی دەفتەر سیاسی حیزبی دیموكراتی كوردستان.

ب/ پیرۆزبایی

لەگەڵ سڵاوێكی شۆڕشگێڕانە

بەبۆنەی کۆتایی هاتنی حەڤدەهەمین  کۆنگرەی حیزبەکەتان ،بەناوی ئەنجومەنی سەرکردایەتی پارتی لیبراڵ دیمۆکراتی کوردستانەوە گەرمترین پیرۆزبایی خۆمان پێشکەش بە ئێوەی بەڕێز هەموو ئەندامان و لایەنگرانی ‌و سەرجەم جەماوەری حیزبەکەتان (حیزبی دیموكراتی كوردستان) دەکەین.

هەر وەک هەموو لایەک ئاگادارین بارودۆخی  ڕۆژهەڵاتی نێوەڕاست  لە گۆڕانکاریەکی مەزندایە کە ئەرکی هەر رێکخراوێکی سیاسی و بزوتنەوەیەکی شۆرشگێری بە وشیاری و لەخۆبردوویی، فیداکاری و هەست بە بەرپرسیاریەتیی زیاترە  لە کاتێکدا شەڕیکی خوێناوی بهسهر گهلی کورد له ڕوژئاوا و ناوچەکەدا سهپاوه و لە ناوچەکە گۆڕانکاریی گەورە بەڕێوەییە ، ئەرکی هەموو لایەنە سیاسیەکانە کە بە وشیاریی و هەست بە بەرپرسیاریەتیی نەتەوەیی فراوانترەوە لەگەڵ بارودۆخەکە مامەڵە بکەن، چونکە قۆناغی ئێستا، داهاتوویەکی دوور و درێژی لەسەر بونیات دەنرێت، ئەگەر وەک ئەم جیلە بە هوشیاریەوە ئەرکی نەتەوەی خۆمان بەجێ بگەێنین ئەوە  جیلی داهاتوو گلەیی ئێستامان لێ ناکەن. حیزبی دیموکراتی کوردستان، حیزبێکی خاوەن مێژوو و پێگەی شۆرشگێڕانەییە لە رۆژهەلاتی کوردستان،بۆیە هیوادارین هەنگاوە جیدی هەڵگرێت بۆ یەکرێزی و یەکگرتووی لە رۆژهەلاتی کوردستان.

جارێکی دیکە وەک ئەنجومەنی سەرکردایەتی پارتی لیبرال دیمۆکراتی کوردستان بە بۆنەی کۆتایی هاتنی حەڤدەهەمین  کۆنگرەی حیزبی دێموکراتی کوردستان  پیرۆزبایتان ئاراستە دەکەین.

ئەنجومەنی سەرکردایەتی

پارتی لیبڕاڵ دیمۆکراتی کوردستان

٢١خەزەڵوەرئ ٢٧١٩کوردیی

13 / 11 /2019  زایین

  

  



124بینین‌‌‌
11/13/2019 4:53:52 PM
Print Friendly and PDF
1