راگەیاندراو

پەیامی سەرەخۆشیی پارتی لیبڕاڵ دیمۆکراتی کوردستان بەبۆنەی کۆچی دوایی (کاک جەلیل گادانی).


بەرێزان : دەفتەری سیاسیی حیزبی دێموکراتی کوردستان و بنەماڵی بەڕێز گادانی

بەداخ و پەژارەیەکی زۆرەوە هه‌واڵی كۆچی دوایی سیاسەتمەدار، کەسایەتیی دیاری سیاسیی کورد و تێکۆشەری دێرینی حیزبی دێموکراتی کوردستان بەڕیز (کاک جەلیل گادانی)پێگەێیشت.

بەناوی ئەنجومەنی سەرکردایەتی پارتی لیبڕاڵ دیمۆکراتی کوردستان سه‌ره‌خۆشی خۆمان ئاراستەی بنەماڵەی خوالێخوش بوو دەفتەری سیاسیی حیزبی دێموکراتی کوردستان و هەموو هاوڕێیان و هاوسەنگەران و گەلەکەمان دەکەین و هاوبەشی خەمتانین.

(کاک جەلیل گادانی)  مرۆڤێکی ئارام و قسە خوش و کەسایەتیەکی دیاری بزوتنەوەی رزگاریخوازی گەلەکەمان بوو کە هەموو تەمەنی لە پێناو مافە رەواکانی گەلەکەیدا خەباتی کرد و کۆڵنەدان و نەسرەوتنی (کاک جەلیل گادانی)  خۆشەویست لە رێزی حێزبی دیموکراتدا و بۆ رزگاری نەتەوەکەیی ئیلهام بەخشە و فێری بەردەوامی و پاراستنی بەهاکان و مانەوەمان دەکا، لەدەستدانی تێکۆشەرێکی وەک (کاک جەلیل) گادانی کۆستێکی گەورەیە  بۆ حیزبی دێموکڕات بزووتنەوەی ڕزگاریخوازانەی کورد و کوردستان.
روحی شاد ورێگای پر رێبوار بێت

پارتی لیبڕاڵ دیمۆکراتی کوردستان

ئەنجومەنی سەرکردایەتی
١٦ی گەلاوێژی ٢٧٢٠کوردی



166بینین‌‌‌
8/6/2020 5:08:23 PM
Print Friendly and PDF
12