مارکۆ رۆبیۆ، وەزیری دەرەوەی ئەمریکا لەیەکەم سەفەری خۆی بۆ رۆژهەڵاتی ناوەراست لە تەلەڤیڤ رایگەیاند، ئێران گەورەترین هۆکاری ناسەقامگیری ناوچەیە، نەتانیاهۆش دەڵێ گرنگترین باسی کۆبوونەوەکەیان ئێران بووە. مارکۆ رۆبیۆ دوای بەشداریکردن لە کۆنفرانسی میونیخ بۆ سەفەرێک چەند رۆژە هاتە رۆژهەڵاتی ناوەراست و شەوی رابردوو گەیشتە فرۆکەخانەی بێن گۆریۆنی تەلەڤیڤ و لەلایەن گیدئۆن ساعر هاوتا ئیسرائیلییەکەی پێشوازی لێکرا. وەزیری دەرەوەی ئەمریکا سەر لەبەیانی ئەمرۆ یەکشەممە لەگەڵ بنیامین نەتانیاهۆ سەرۆکوەزیرانی ئیسرائیل کۆبوویەوەو دوای کۆبوونەوەکە کۆنگرەیەکی رۆژنامەوانی هاوبەشیان ئەنجامدا. بنیامین نەتانیاهۆ سەرۆکوەزیرانی ئیسرائیل رایگەیاند لەگەڵ رۆبیۆ بەو ئەنجامە گەیشتوون کە دەبێ کۆتایی بە سەرەرۆییەکانی ئێران لەناوچە بهێنین، بەوتەی نەتانیاهۆ لەژێر سەرکردایەتی سەرۆکایەتی دۆناڵد ترەمپدا بەو ئەنجامە دەگەین. سەرۆکوەزیرانی ئیسرائیل ئاشکراشیکرد کە گرنگترین باسی کۆبوونەوەکەیان ئێران بووە. مارکۆ رۆبیۆ وەزیری دەرەوەی ئیسرائیلیش لەکۆنگرەی رۆژنامەوانییە هاوبەشەکەیدا لەگەڵ نەتانیاهۆ رایگەیاند کە بەهیچ شێوەیەک رێگە بە ئێران نادەین دەستی بە چەکی ئەتۆم رابگات. رۆبیۆ وتیشی ئێران گەورەترین هۆکاری ناسەقامگیرییە لەناوچەو لەگەڵ هاوبەشەکان رێگری لێدەکەین.
.jpg)
