سەرچاوە: ئۆرشەلیم پۆست وەرگێران: رۆژهەڵات نیوز لەکاتێکدا وڵاتانی رۆژئاوا سەرقاڵی کات بەفیرۆدانن و، دەیانەوێ گفتوگۆ لەگەڵ ئێران بکەن، ئیسرائیل دەتوانێ هێرش بکاتە سەر بنکە ئەتۆمییەکانی ئێران و پێشگیری لە کارەساتێکی گەورە بکات. بەپێی راپۆرتەکانی چەند رۆژی رابردوو، ئیسرائیل بەجیدی سەرقاڵی خۆئامادەکردنە بۆ ئەوەی هێرشێکی پێشگیرانە بۆ سەر بنکە ئەتۆمییەکانی ئێران بکات. تەنانەت ناوەندەکانی زانیاریی ئەمریکاش ئەوەیان پشتراست کردووەتەوە. لایەنی ئێرانیش کاردانەوەی بەپەلەی هەبووەو هەڕەشەی ئەوەی کردووە کە پرۆژە ئەتۆمییەکانی خێراتر لەجاران پەرە پێدەدات. هاوکات بەپێی راپۆرتەکانی هەفتەی رابردوو هێرشی ئیسرائیل بۆ سەر بنکە ئەتۆمییەکانی ئێران، زیانێکی زۆریان نابێت، بەڵام نابێ ئەوە لەبیربکەین کە تواناکانی ئیسرائیل دەتوانێ زۆر چاوەروان نەکرا بێت. رێبەری کۆماری ئیسلامی ئێران گوایا فەتوای لەدژی دەستراگەیشتن بە چەکی ئەتۆم داوە، بەڵام ئەو فەتوایە تەنیا لێکدانەوەیەکی مەزهەبی بۆ دەکرێت، رێکارێکە بۆ فێڵکردن لە کۆمەڵگەی نێودەوڵەتیی و بەنهێنیش سەرقاڵی پەرەپێدانی پرۆژە ئەتۆمییەکانیانن. فەتواکەی عەلی خامنەیی تەنیا لەدژی بەکارهێنانی چەکی ئەتۆمە، بەڵام رێگری لە پەرەپێدان و تەنانەت دروستکردنی چەکی ئەتۆم نیە، هەربۆیە فەتواکە وادەکات هاوکات لەگەڵ پاراستنی رووکەشی پابەندیی ئیسلامییەکەی، بەڵام چەکی ئەتۆمی دروستبکەن. هەموو ئەوانە لەکاتێکدایە رژێمی ئێران بەردەوام چاڵاکییە ئەتۆمییەکانی بنکە ئەتۆمییەکانی نەتەنز و فۆردۆی شاردووەتەوە، لەکاتێکدا رێژەی پیتاندنی یۆرانیۆمی زۆر لەئاستی رێککەوتن لەسەرکراو بەرزکردووەتەوە. ئەژانسی نێودەوڵەتی وزەی ئەتۆمیش چەندین جار دووپاتیکردووەتەوە کە ئێران زانیاری پێویست لەسەر چاڵاکییەکانی بڵاوناکاتەوەو تەنانەت بەوانیشی نادات. ئێران پشتیوانی لە تیرۆریسم دەکات،پشتیوانی لە پرۆکسییەکان لەبەرامبەر ئیسرائیل دەکات، پیلانی تیرۆری دژبەرەکانی لەدەرەوەی وڵاتی خۆی هەیە، شەڕی سایبەریش لەدژی ژێرخانی وڵاتانی رۆژئاوایی دەکات. ئێران ئەگەر چەکی ئەتۆمی هەبێت، بۆ جیهان کارەساتە، دەتوانێ باج لەجیهان وەربگرێت، دژبەرەکانی زیاتر لەجاران سەرکوت دەکات، دەسترێژییە ناوچەییەکانیشی پەرە پێدەدات. هێرشەکانی ماوەی رابردووی ئیسرائیل بۆ سەر بنکەکانی ئێران لەناوخۆیی و لە سوریاش دەریخست کە پەلامارێکی ورد دەتوانێ ژێرخانە سەرەکییەکانی ئەو وڵاتە وێران بکات. تاران دەڵێ وەها هێرشکردنێک زیانێکی ئەوتۆی لێ نادات، بەڵام ئەوە تەنیا شەڕە قسەیەکی بێ مانایە. رژێمی ئێران چەندین جار هەڕەشەی تۆڵەکردنەوەی کردووە، بەڵام وەڵامەکانی بەتاڵ و بێکاریگەر بووە. دوایی چەندین مانگ هەڕەشەی زارەکی، بەڵام تاکوو ئێستا نەیوێراوە وەڵامی ئەو هێرشەی ئیسرائیل بداتەوە، کە ژێرخانی بەرگری ئاسمانی ئێرانی وێران کردووە. کۆماری ئیسلامی ئێران، پڵینگێکی بەکاغەز درووستکراوە ئەوە راستییەکەو دەبێ پەرەی پێبدرێت: گفتوگۆی لەگەڵ مەکەن، زیانی پێبگەیەنن. هەوڵدان بۆ گفتوگۆکردن لەگەڵ ئێران، تەنیا کڕینی کاتە بۆ تاران. کاتێک ئێران نزیک بێتەوە لە چەکی ئەتۆم، وەرسووراندنەوەی مێژوو موومکین نابێ. نەرمینواندن لەبەرامبەر ئێران کاریگەر نابێت، تاران تەنیا لە زمانی هێز تێدەگات. کۆمەڵگای نێودەوڵەتی دەبێ هەڵوێستێکی تووند و نەگۆری لەبەرامبەر سەرەرۆییە ئەتۆمییەکانی ئێرانی هەبێت. گەمارۆکانی سەر ئێران دەبێ بەردەوام بن، دەبێ توانای رژێم بۆ دابینکردنی دارایی بۆ پرۆژە ئەتۆمییەکان و کارە تیرۆریستییەکانی لەناوبچێت. جگە لەوەش، دەبێ بەکارهێنانی "فەتوا" لەدژی چەکی ئەتۆمی تەنیا وەکوو پرۆپاگەندایی رژێم لێکدانەوەی بۆ بکرێت. هەوڵە دیپلۆماتییەکان کاریگەریان نەبووە، دەبێ بە هەڕەشەی کاریگەری سەربازی جێگەی پڕبکرێتەوە، رژێمی ئێران دەبێ لەوە تێبگات کە هێرشی سەربازی لەدژی بژاردەیەکی بەهێزو نزیکە. هەموو بژاردەکان بەتایبەت هێرشکردنە سەر بنکە سەربازی و ئەتۆمییەکانی دەبێ لەسەر مێز بێت.
.jpg)
