لە ماوەی یەک مانگی رابردوودا ٦٦ کەس لە رۆژهەڵاتی کوردستان دەستبەسەرکراون، کە ٦ کەسیان منداڵ ومێرمنداڵن. رێکخراوی مافی مرۆڤی هەنگاو لەراپۆرتێکدا بڵاویکردووەتەوە، لە ماوەی یەک مانگی رابردوودا ٦٦ کەس لە رۆژهەڵاتی کوردستان دەستبەسەر کراون، بەپێی زانیارییەکانی رۆژهەڵات نیوز زۆربەی دەستبەسەر کراوەکان بەهۆی بەشداری لە رێورەسمەکانی نەورۆز بووە. لەو ٦٦ کەسەی کە دەستبەسەر کراون، ٣٣ کەسیان هی پارێزگای ورمێ، ٣٢ کەسیان هی پارێزگای سنە، ٢ کەسیان لە پارێزگای ئیلام و کەسێکیش لە پارێزگای کرماشان دەستبەسەر کراون. ژمارەیەکیان بەر لە دەستپێکی رێورەسمەکانی نەورۆز و بۆ رێگریکردن لە بەرێوەچوونیان بووە، ژمارەیەکی زۆریش دوای بەشداریکردنیان لە رێورەسمەکانی نەورۆز بووە. هاوکات لەو ژمارە دەستبەسەر کراوە، ٦ کەسیان منداڵ و مێرمنداڵ بوونەو تەمەنیان لە ژێر ١٨ ساڵی بووە.
