وەزیری دەرەوەی فەرەنسا هۆشداری بە ئێران دەدات و دەڵێ ئەگەر رێککەوتنی ئەتۆمی نەکرێت، هێرشی سەربازی بۆ سەر ئێران گەرانەوەی بۆ نیە. ئەمرۆ چوارشەممە هەواڵدەری رۆیتێرز لەسەر زاری ژان نوئێل باڕۆ وەزیری دەرەوەی فەرانسە رایگەیاند، وڵاتانی رۆژئاوایی لەبەرامبەر ئێران لەبەردەم قۆناغێکی هەستیار دان. وەزیری دەرەوەی فەرەنسا دەڵێ ئەگەر رێککەوتنێکی نوێ لەسەر پرسی ئەتۆمی ئێران نەکرێت، هێرشی سەربازی بۆ سەر ئێران ئەگەرێکی بەهێز و رێگەیەکی بێ گەرانەوەیە. ئەمرۆ چوارشەممە ئیمانوئێل ماکرۆن سەرۆککۆماری فەرەنسا کۆبوونەوەیەکی بەپەلە و تایبەتی لەگەڵ وەزیرە پەیوەندیدارەکان و پسپۆران لەسەر دۆسییەی ئێران کردووە، رۆیتێرز لەسەر زاری سەرچاوەیەک ئاشکرایکردووە کە فەرەنساش دەیەوێ گوشارەکانی بۆ سەر ئێران زیاد بکات. وڵاتانی ئورووپا دەیانەوێ رێککەوتنێکی نوێ لەگەڵ ئێران بکرێت، بۆ ئەوەی دۆسییەی ئەتۆمی ئێران بەر لە هاتنی وەرزی هاوین و تەواوبوونی کاتی دیاریکراو یەکلایی بکرێتەوە. بەشێک لە وڵاتانی ئورووپاش وەکوو ئەمریکا پێیانوایە کە چاڵاکییە ئەتۆمییەکانی ئێران روون نین و ئەو وڵاتە بەدوای درووستکردنی چەکی ئەتۆمە. هەر لەو چوارچێوەیەشدایە کە بارۆ وەزیری دەرەوەی فەرەنسا لە پەرلەمانی وڵاتەکەی رایگەیاندووە:"کاتێکی زۆرمان لەبەردەم دانیە، مۆڵەتی رێککەوتنی ٢٠١٥ خەریکە تەواو دەبێت، ئەگەر نەگەینە رێککەوتنێکی نوێ، هێرشی سەربازی بۆ سەر ئێران موومکینەو گەڕانەوەی نیە."
.jpg)
