ئەژانسی نێودەوڵەتی وزەی ئەتۆم لە راپۆرتێکدا ئاماژەی رایگەیاندووە کە رێژەی پیتاندنی یۆرانیۆم لەلایەن ئێران زۆر زیادیکردووەو ئەو رێژەیە تاران لە توانای دروستکردنی چەکی ئەتۆم نزیک دەکاتەوە.
رۆژی پێنجشەممە راپۆرتێکی ئەژانسی نێودەوڵەتی وزەی ئەتۆم لەلایەن هەواڵنێری ئەسۆشیتێدپرێس بڵاویکرایەوە، کە تێیدا باس لە دوایین چاڵاکییە ئەتۆمییەکانی ئێران دەکات. رافائێل گروسی سکرتێری ئەژانسی
نێودەوڵەتی وزەی ئەتۆم لە راپۆرتەکەدا ئاشکرایکردووە کە لەماوەی سێ مانگدا رێژەی پیتاندنی یۆرانیۆم لەلایەن ئێران ٢٣ کیلۆگرام زیادیکردووەو ئێستا لە ١٥٥ کیلۆگرام نزیک دەبێتەوە.
بەگوتەی کارناسان، بۆ دروستکردنی کڵاوەی ئەتۆمی ٥٠ کیلۆگرام یۆرانیۆمی ٦٠ لەسەد پیتێندراو پێویستە، بەڵام بۆ ئەوەی لە بۆمبی ئەتۆم بەکار بهێندرێت، پێویستی بەو رێژە یۆرانیۆمە هەیە، بەڵام دەبێ ٩٠ لەسەد بپیتێندرێت. ئەو رێژە لە یۆرانیۆمە پیتێندراوەی ئێران هەیەتی، ئەژانسی نێودەوڵەتی وزەی ئەتۆمی نیگران کردووە.
رافائێل گروسی دەڵێ هیچ وڵاتێک کە خاوەن چەکی ئەتۆم نیە، بەو رێژەیە یۆرانیۆمی نەپیتاندووە، ئەوەش ئەوانی نیگەران کردووە. گروسی هیواشی خواستووە دوای هاتنە سەرکاری مەسعوود پزیشکیان بتوانێ لە زووترین کات سەردانی تاران بکات و سەبارەت بەو پرسە گفتوگۆ لەگەڵ بەرپرسانی ئەو وڵاتە بکات.
