ئەمرۆ یەکشەممە ١٣ی خەزەڵوەر پارتی ژیانی ئازادی کوردستان پژاک رایگەیاند:”لە ڕۆژی ٧ خەزەڵوەری ١٤٠٣ بەرامبەر بە ٢٨ ئۆکتۆبەری ٢٠٢٤ لەسەر رێگای پیرانشار – مەهاباد هێزەكانی وەزارەتی ئیتلاعات بەهاوكاری سوپای پاسداران و بەكرێگیراوانی هەرێمەكە هەڤاڵمان “مەولان رۆستەمی” ناسراو بە هەڤاڵ “شۆڕش قەڵات”یان بەشێوەیەكی نامەردانە داویانە بەر دەسترێژی گوللە و شەهیدیان کردووە و پاشان بۆ شاردنەوەی كردەوە نامرۆییەکەیان سناریۆیەكیان داتاشیوە كە گۆایە هێزەكانیان گروپێك کە لەسنورەكانی هەرێمی كوردستانی عێراقەوە دزەیان كردوەتە ئێرانەوە بێ كاریگەر كردوە.» 🔹 ناسنامەی شەهید: ناسناو: شۆرش قەڵات ناو و پاشناو: مەولان ڕۆستەمی ناوی دایک: زەهرا ناوی باوک: حۆسێن لەدایکبوون: ۱۹۷۹ گوندی سیسەری سەردەشت پەیوەستبوون بە ڕێزەکانی شۆرش: ۲۰۱۵ شەهادەت: ۷ی خەزەڵوەی ۱۴۰۳ - ۲۸ی ئۆکتۆبەری ٢٠٢٤ پێشتر ماڵپەری تەسنیمی سەر بە سوپای پاسدارانی ئێران رایگەیاندبوو کە ئەندامێکی حیزبێکی رۆژهەڵاتی کوردستانیان شەهید کردووەو دوو کەسیشیان دەستبەسەر کردووە.
.jpg)
