وال ستریت ژورناڵ: ئەو هێزەی ئەمریکا لەرۆژهەڵاتی ناوەراست، بۆ شەرێکی گەورەیە

30 . ڕێبەندان . 2725

ئەمریکا رێژەیەکی زۆری فڕۆکەی شەڕکەری رەوانەی رۆژهەڵاتی ناوەراست کردووە، رۆژنامەی وال ستریت ژورناڵ دەڵێ، ئەو جێگۆرکێی هێزەی ئەمریکا بۆ رۆژهەڵاتی ناوەراست لەدوای شەڕی عێراق لە ٢٠٠٣، گەورەترین بەشداری سەبازی ئەمریکا لە رۆژهەڵاتی ناوەراستە.

بەپێی زانیارییەکانی رۆژنامەی وال ستریت ژورناڵ کە لەسەر چەندین سەرچاوەی ئەمریکایی وەریگرتووە، ئەمریکا بەردەوامە لە ناردنی فرۆکەشی شەڕکەی پێشکەوتووی ئێف-٢٢ و ئێف-٣٥ بۆ رۆژهەڵاتی ناوەراست. هاوکات ژمارەیەکی دیکەی فرۆکەی پێشکەوتووی هێرشبەرو شەڕی ئەلیکترۆنی بەرێگەوەن بۆ رۆژهەڵاتی ناوەراست. بەپێی زانیارییەکانی رۆژهەڵاتی ناوەراست پرۆسەی هێنانی سیستەمی دیکەی دژە مووشەکی بۆ ناوچەش خێرا بووە.

بەپێی زانیاریی سەرچاوە ئەمریکاییەکان بۆ وال ستریت ژورناڵ، رادەی ئەو هێزە هێرشبەرەی ئێستا لە ناوچەیەو بەرێوەن، ئیمکانی ئەوە بە ئەمریکا دەدات، هێرشەکانی زۆر لەهی شەڕی ١٢ رۆژە تووندتر و درێژخایەنتر بن.

ئەو کۆکردنەوەوی هێزەی ئەمریکا لە رۆژهەڵاتی ناوەراست لەکاتێکدایە، ئەم هەفتەیە نوێنەرانی ئەمریکا و ئێران لەژێنێڤ کۆبوونەوە بۆ ئەوەی لەسەر پرسی ئەتۆمی ئێران رێبکەون، بەڵام هەردوولا لە واشنتن و تاران نەیانشاردەوە کە رێککەوتنەکە نەکراوەو هەردوولا لەسەر هێڵە سوورەکانیان پێداگرن.

بەرپرسانی ئەمریکا ئاشکرایانکردووە، دۆناڵد ترەمپ لە دوو هەفتەی رابردوودا چەندین کۆبوونەوەی راوێژکاری لەگەڵ بەرپرسانی سەربازی و هەواڵگری وڵاتەکەی کردووە، بۆ ئەوەی گفتوگۆ لەسەر بژاردەکان بەرامبەر ئێران بکەن.

هەندێک سەرچاوە باس لەوە دەکەن، بژاردەکان بریتین لە لەناوبردنی دەیان رێبەر و بەرپرسی سیاسیی و سەربازی ئێران، هێرش بۆ سەر بنکە ئەتۆمیی و مووشەکییەکانی ئەو وڵاتە. هەردوو بژاردەش پێویستی بە هێرشێکی بەرفراوان هەیە، کە لانیکەم پێویستی بە دوو هەفتە دەبێت.