14 . ڕەشەمە . 2725
سەرەکیهەواڵڕاپۆرتوتووێژوتارھێدلاینRoj- Techشرۆڤەمێژوو کولتووروەرزشکورتەهەواڵفرۆشگاCat 0پێوەندی

محەمەد نەزیف قادری: ئەو هاوپەیمانییە خواستی خەڵکی کوردستان بوو

محەمەد نەزیف قادری: ئەو هاوپەیمانییە خواستی خەڵکی کوردستان بوو
3 . ڕەشەمە . 2725

راپۆرت: رۆژهەڵات نیوز

محەمەد نەزیف قادری ئەندامی دەفتەری سیاسیی حدکا دەڵێ، هاوپەیمانی هێزە سیاسیییەکانی کوردستانی ئێران لەسەر بنەمای مافی دیاریکردنی چارەنووس کار لەدژی کۆماری ئیسلامی ئێران دەکات. هاوکات دەشڵێ دامەزراوەیەکی نیشتمانی و یاسایی لەداهاتوودا ئاڵایەک بۆ رۆژهەڵاتی کوردستان هەڵدەبژێرێت.

ئەمرۆ یەکشەممە ٣ی رەشەممە پێنج لایەنی سیاسیی هاوپەیمانی لایەنە سیاسییەکانی کوردستانی ئێرانیان راگەیاند. سەبارەت بە هاوپەیمانییەکە محەمەد نەزیف قادری ئەندامی دەفتەری سیاسیی حیزبی دیموکراتی کوردستانی ئێران بە رۆژهەڵات نیوزی راگەیاند، لە مانگی پووشپەری ئەمساڵ لەسەر داوای ئەوان لە ئاستی کەسی یەکەمدا حەوت لایەنی رۆژهەڵاتی کوردستان کۆبوونەوە. لەو کۆبوونەوەیەدا دوای تاووتوێکردنی دۆخی سیاسیی کوردستان، ئێران و ناوچە بڕیار درا، لەژێر چوارچێوەی ناوەندی دیالۆگ لەکۆبوونەوەکان بەردەوام بن، بۆ ئەوەی بتوانن لەسەر خاڵە جەوهەرییەکان بۆ داهاتوو رێکبکەون.
محەمەد نەزیف قادری دەشڵێ ئەوان لە کۆبوونەوەکانی ناوەندی دیالۆگ-دا بەردەوام باسیان لە گرنگی یەکگرتوویی و هاوکات هەنگاونان لە دیالۆگەوە بۆ هەنگاوێکی کرداریی کردووە. لەکۆتاییشدا ئەمرۆ یەکشەممە ٥ لایەنی رۆژهەڵاتی کوردستان گەڵاڵەی هاوپەیمانییەکەیان واژۆ کرد و بەفەرمیش رایانگەیاند.
ئەو ئەندامەی دەفتەری سیاسیی حدکا کە هاوکات بەرپرسی وەفدی حیزبی دیموکرات لە ناوەندی دیالۆگ بووە، بە رۆژهەڵات نیوزی گوت:" ئەو ٥ لایەنە سیاسییە لەو باوەرەدابوون لە چوارچێوەی گەڵاڵەیەکدا و کۆمەڵێک خاڵ و پرەنسیپی گشتی، شێوازێکی کردەیی بە ناوەندی دیالۆگ بدەین."
سەبارەت بە گەڵاڵەکەش، محەمەد نەزیف قادری رایگەیاند، گەڵاڵەیەکیان بە هاوفیکردی و بە لەبەرچاوگرتنی نەزەری لایەنە سیاسییەکان ئامادە کردوەو ئەمرۆ لە کۆبوونەوەیەکی حزووریدا واژۆ کرا.
ناوەندی دیالۆگ لەسەرەتاوە لە حەوت لایەن پێکهاتبوون، بەڵام کۆمەڵە رێکخراوی کوردستانی حیزبی کۆمۆنیستی ئێران و کۆمەڵەی شۆرشگێری زەحمەتکێشانی کوردستانی ئێران گەڵاڵەیەکەیان واژۆ نەکرد و نەچوونە ناو هاوپەیمانییەکە. سەبارەت بەو دوو لایەنە محەمەد نەزیف قادری بە رۆژهەڵات نیوزی گوت:" برادەرانی کۆمەڵەی کۆمۆنیست هەندێک تێبینی تەشکیلاتیان هەبووە، هاوکات کۆمەڵەی شۆرشگێریش تێبینی خۆیان هەبووە."
سەبارەت بە ناوەرۆکی هاوپەیمانییەکەش ئەو ئەندامەی دەفتەری سیاسیی حدکا ئاشکرایکرد، ئامانجی سەرەکی هاوپەیمانییەکە پتەوکردنی یەکگرتوویی و یەکریزیی و کاریگەریدانان لەسەر رۆژهەڵاتی کوردستانە. بە بۆچوونی قادری، هاوپەیمانییەکە رێزگرتنیشە لەو داواییەی کە بەردەوام خەڵکی کوردستان داوایان لێکردوون.
سەبارەت بە ئامانجەکانی هاوپەیمانییەکەش محەمەد نەزیف قادری بە رۆژهەڵات نیوزی گوت:"خەباتی ئێمە بۆ دیاریکردنی مافی چارەنووسە، هەموومان بەیەکەوە دەتوانین لەپێناو ئەو ئامانجەدا خەبات بکەین." هاوکات ئەوەشی ئاشکراکرد کە لەسەر کاری پێشمەرگانەش، دەیانهەوێ لە چوارچێوەی ئەنجوومەن یان شۆرایەکی نیزامی بە شێوەیەکی مەیدانی بەیەکەوە کار بکەن. بڕیاریشە بۆ کاروباری دیپلۆماسی و پەیوەندییە نێودەوڵەتییەکان لێژنەیەکی هاوبەش بۆ پەیوەندیگرتن بە وڵاتان پێکبهێنن.
سەبارەت بە پرسی ئاڵاش، محەمەد نەزیف قادری بە رۆژهەڵات نیوزی راگەیاند، ئەوان لەسەر ئاڵای کوردستان کێشەیان نیە، ئێستا هەموویان ئاڵای پەسەندکراوی کوردستانیان قبووڵە، بۆ داهاتووی رۆژهەڵاتی کوردستانیش دامەزراوەیەکی یاسایی و نیشتمانی پرسی ئاڵا بۆ رۆژهەڵاتی کوردستان یەکلایی دەکاتەوە.
محەمەد نەزیف قادری روونیشیکردەوە کە هاوپەیمانییەکە لەگەڵ هەموو حیزبە سیاسییەکانی کوردستان لەسەر خەت دەبێت و بەیەکەوەو لەیەک سەنگەردا بۆ بەدیهێنانی بەرژەوەندییەکانی خەڵکی کوردستان کار دەکات.

Artikel von im selben kategorie

پەیوەستبوونی کۆمەڵەی شۆرشگێر بە هاوپەیمانی هێزە سیاسییەکانی رۆژهەڵاتپەیوەستبوونی کۆمەڵەی شۆرشگێر بە هاوپەیمانی هێزە سیاسییەکانی رۆژهەڵات
گفتوگۆکەی ترەمپ و هیجری- هاوکاری هاوپەیمانی کوردستان و ئەمریکاگفتوگۆکەی ترەمپ و هیجری- هاوکاری هاوپەیمانی کوردستان و ئەمریکا
هاوپەیمانیی هێزە سیاسییەکانی کوردستانی ئێران: لە بەردەم چارەنووسسازترین ڕۆژەکانی خۆمان‌داینهاوپەیمانیی هێزە سیاسییەکانی کوردستانی ئێران: لە بەردەم چارەنووسسازترین ڕۆژەکانی خۆمان‌داین
محەمەد نەزیف قادری: ئەو هاوپەیمانییە خواستی خەڵکی کوردستان بوومحەمەد نەزیف قادری: ئەو هاوپەیمانییە خواستی خەڵکی کوردستان بوو
کۆمەڵەی شۆرشگێر ٥ تێبینییەکەی خۆی لەسەر هاوپەیمانییەکە راگەیاندکۆمەڵەی شۆرشگێر ٥ تێبینییەکەی خۆی لەسەر هاوپەیمانییەکە راگەیاند
هاوپەیمانی پێنج لایەنی سیاسی رۆژهەڵاتی کوردستان راگەیاندراهاوپەیمانی پێنج لایەنی سیاسی رۆژهەڵاتی کوردستان راگەیاندرا
پەیامێک لە بنەماڵەی شۆرشی ژینا بۆ بنەماڵەی شەهیدانی بەفڕانبار (کرماشان، ئیلام، لوڕستان)پەیامێک لە بنەماڵەی شۆرشی ژینا بۆ بنەماڵەی شەهیدانی بەفڕانبار (کرماشان، ئیلام، لوڕستان)
شاندێکی پارلەمانی بریتانیا سەردانی حیزبی دێموکراتی کوردستانی ئێرانی کردشاندێکی پارلەمانی بریتانیا سەردانی حیزبی دێموکراتی کوردستانی ئێرانی کرد
دەستبەسەرکردنی دوو هاووڵاتیی کوردستان لەلایەن هێزەکانی داگیرکەری ئێرانەوەدەستبەسەرکردنی دوو هاووڵاتیی کوردستان لەلایەن هێزەکانی داگیرکەری ئێرانەوە
وال ستریت ژورناڵ: ئەو هێزەی ئەمریکا لەرۆژهەڵاتی ناوەراست، بۆ شەرێکی گەورەیەوال ستریت ژورناڵ: ئەو هێزەی ئەمریکا لەرۆژهەڵاتی ناوەراست، بۆ شەرێکی گەورەیە