حەشدی شەعبی و بنەماڵەکانیان لە گردبوونەوە حکوومەتییەکانی شاری سنە بەشدارن

14 . خاکەلێوە . 2726

راپۆرت: رۆژهەڵات نیوز

شەوانە لایەنگرانی رژێمی ئێران لە مەیدانی ئیقباڵی سنە کۆدەبنەوە، بۆ ئەوەی بەوتەی خۆیان پیلانی دوژمنان پووچەڵ بکەنەوە، چەکدارانی حەشدی شەعبی و بنەماڵەکانیان لەو گردبوونەوانە بەشدارن.

بەپێی زانیارییەکانی گەیشتوو بە رۆژهەڵات نیوز، دوای ئەوەی رژێم لە هاندانی خەڵک بۆ بەشداری لە گردبوونەوەی لایەنگرانی حکومەت لە سنە سەرکەوتوو نەبووە، ئێستا پەنای بۆ هێنانی چەکدارانی حەشدی شەعبی عێراق و بنەماڵەکانیان هێناوە.

چەند وێنەیەک لە گردبوونەوەی رۆژی چوارشەممە ١٢ی خاکەلێوەی لایەنگرانی رژێم لە مەیدانی ئیقباڵ بۆ رۆژهەڵات نیوز نێدراوە، بەپێی وێنەکان بەروونی دیارە، حەشدی شەعبی لەگەڵ بنەماڵەکانیان لەو گردبوونەوانەدا بەشدارن.

پێشتر رۆژهەڵات نیوز لەراپۆرتێکدا ئاشکرایکردبوو، رژێم لەرێگەی حەراسەتی ئیدارەکان، بەسیج و ئیتڵاعاتی سوپای پاسداران هەڕەشە لە کارمەندەکان دەکەن، ئەگەر بەشداری ئەو گردبوونەوانە نەکرێن، سزا دەدرێن، بەڵام تاکوو ئێستا جگە لە دەستوپەیوەندییەکانی رژێم کەس بەشداری نەکردووە.