کاترین شەکدەم رۆژنامەنووس و چاودێری سیاسی پێیوایە، ئیسرائیل بە ئاگاداری و گڵۆپی سەوزی ئەمریکا ئیسماعیل هەنیەی لە تاران کوشتووە.
رۆژهەڵات نیوز، لە ژووری کلاپ هاوس چاوپێکەوتنێکی لەگەڵ کاترین شەکدەم رۆژنامەنووس و چادێری سیاسی کرد، لەو چاوپێکەوتنەدا کاترین ئاماژەی بە کوشتنی ئیسماعیل هەنیە لە تاران کرد، بە رای ئەو ئیسرائیل بە گڵۆپی سەوزی ئەمریکا ئەو کارەی کردووە. ئەو رۆژنامەنووسە لەسەر ئەو باوەرەشە کە ئێران توانای ئەوەی نیە کاردانەوەیەکی تووندی بەرامبەر ئیسرائیل هەبێت، چوونکە دەزانێ لە شەڕی راستەوخۆ لەگەڵ ئیسرائیل بڕاوە نابێت.
کاترین شەکدەم رۆژنامەنووسێکی فەرەنسی-یەهوودییە کە لە ساڵانی رابردوو بەهۆی هەبوونی پەیوەندی لەگەڵ هەندێک سەرکردەی پڵە باڵای ئێران و راگەیاندنە فەرمییەکانی ئێران سەرنجی زۆری جیهانی راکێشا، ئەو لەو چاوپێکەوتنەی رۆژهەڵات نیوز پێیوایە کە ئەولەویەتی یەکەمی ئیسرائیل و رۆژئاواییەکان لاوازکردن و ئەگەر کرا لەناوبردنی پرۆکسییەکانی ئێران لەناوچەیە و ئەو پرۆسەیەش دەستی پێکردووە.
کۆی چاوپێکەوتنەکە لە لینکی خوارێسەیر بکەن:
