دوا نیوەرۆی ئەمرۆ چوارشەممە فرۆکەیەکی بێفرۆکەوان (درۆن) بە سەر ئاسمانی شارۆچەی هەریر و نزیک لەفرۆکەخانەی هەریر لە باشوری کوردستان بینراوە، بەر لەوەی درۆنەکە هێرش بکات، لەرێگەی سیستەمی دژە موشەکی فرۆکەخانەکە رێکشکێندراوە. لەفرۆکەخانەی هەریر هێزەکانی هاوپەیمانان بە سەرپرشتی ئەمریکا جێگیرکراون و تاکوو ئێستاش هیچ لایەک لێدوانی فەرمی سەبارەت بەو درۆنە نەداوە. گروپێک بەناوی بەرەی موقاومەتی عێراق رایگەیاندووە کە ئەوان ئەو درۆنەیان بۆ لێدان لە بنکەکانی ئەمریکا لە هەریر ناردووە، ئەوەش وەکوو درێژەی هێرشەکانی ئەقسا لە غەزە لەدژی ئیسرائیل. سەرچاوەیەکی فەرمی هەرێمی کوردستانیش رایگەیاندووە کە ئەو درۆنە هەر زوو تێکشکێندراوەو لاشەکەشی لە گوندەکانی دەورووبەری هەریر دۆزراوەتەوە.
