Weather widget for website

ئەمرۆ لە زاهیدان سەدان کەس گیران و دەیانی دیکەش بریندار کران

20.10.2023 15:28:26
ئەمرۆ لە زاهیدان سەدان کەس گیران و دەیانی دیکەش بریندار کران

ئەمرۆ هەینی دوای بەرێوەچوونی نوێژی هەینی جارێکیتر هاووڵاتیانی بەلوچ لەزاهیدان رژانەوە سەر شەقامەکان و لەدژی حکومەت دروشمیان بەرزکردەوەو داوای خوێنی بەفیرۆچووی قوربانیانی هەینی خوێناوی ساڵی رابردوویان کرد، هەر زوو هێزە چەکدارەکانی ئێران بە سوپا، نیروی ئینتزامی و گاردی ویژە رژانە سەر شەقامەکان بۆ ئەوەی خۆپێشاندەران سەرکوت بکەن، لەگەڵ ئەوەش لەزۆربەی شەقام و کۆڵانەکان ئەوە خۆپێشاندەران بوون کە چەکدارانی حکومەتیان گەمارۆ دا.


ماڵپەری حال وەش کە هەواڵەکانی زاهیدان و بەلوچستان بەگشتی بڵاودەکاتەوە، ئاشکرایکردووە کە لەگەڵ خۆپێشاندانەکان رەشبگیرییەکی زۆر کراوەو چەکدارانی رژێم سەدان کەسیان دەستبەسەر کردووە، بەشێوەیەک خۆپێشاندەران بە ئۆتۆمبێل و بارهەڵگر گواستراونەتەوە بۆ شوێنی نادیار، تەنانەت بەشێک بە بەندکراوان بڕینداریش بوونە، بەڵام لەگەڵ خۆیان بردوون.


گاردی ویژەو سوپای پاسداران ئەمرۆش لە زاهیدان دەستیان نەپاراستووەو تەقەیان لە خۆپێشاندەران کردووە، هەندێک گرتە ڤیدیۆییش بڵاوبوونەتەوە کە دەریدەخات منداڵ و مێرمنداڵانیش بریندار کراون.




3

پیلانەکانی رژێم، بۆ رێگریکردن لە بایکۆت
بەپەلە: هەوڵی ئەوە دەدرێت دیوار و خەندەق بەدەوری کەمپە مەدەنییەکان حدکا بکێشرێت
نامەی بنەماڵەی شەهیدانی شۆرشی ژینای کوردستان گەیشتە کۆنفرانسی مۆنیخ
کۆماندۆکانی ئێران لە ئورووپا هێرش بۆ سەر یەهوودییەکان دەکەن
بۆچی رۆژهەڵاتییەکان لە کۆنفرانسی ئاسایشی مۆنیخ نین؟
بۆچی حزبەکان بۆ بایکۆتی هەڵبژاردنیش راگەیاندنی هاووبەشیان نەدا؟