محەمەد مەحموودی مێرمنداڵی تەمەن شانزدە ساڵە بەهۆی دەڕبرینی خۆشی بە دۆرانی تیمی تۆپی پێی ئێران دەستبەسەرکرا. بەپێی زانیارییەکانی رۆژهەڵات نیوز سەر لەبەیانی رۆژی چوارشەممە ٢٥-ی رێبەندان هێزەکانی وەزارەتی ئیتڵاعاتی ئێران مێرمنداڵێکی خەڵکی جوانرۆیان بەناوی محەمەد مەحموودی دەستبەسەر کرد. بەپێی زانیارییەکان هۆکاری دەستبەسەرکردنی ئەو مێرمنداڵە دەربڕینی خۆشی بەدۆڕانی تیمی تۆپی پێی ئێران لەبەرامبەر قەتەر بووە. بەبنەماڵەی محەمەد محەمەدی راگەیاندراوە کە بەهۆی دەڕبرینی خۆشی گیراوەو بۆ کرماشان گواستراوەتەوە. هاوکات رۆژی سێشەممەش مێرمنداڵێکی دیکەی خەڵکی جوانرۆ بەهەمان هۆکار دەستبەسەر کرابوو، تاکوو ئێستاش چارەنووسی دیار نیە.
%20(4).jpg)
