Weather widget for website
کوردەکان ٢ کورسی لە ٣ کورسی شاری ورمێیان بەدەست هێنا

کوردەکان ٢ کورسی لە ٣ کورسی شاری ورمێیان بەدەست هێنا

12 . ڕەشەمە . 2723

لەگەڵ ئەوەی قائیمەقام (فەرماندار)ی ورمێ زیاتر لە چوار کاتژمێر راگەیاندنی ئەنجامی هەڵبژاردنی مەجلیسی دواخست، بەڵام لەکۆتاییدا ئەنجامەکەی راگەیاند و دوو کاندیدی کورد پلەی یەکەم و دووەمیان بەدەستهێنا.


هەڵبژاردنی مەجلیسی شۆرای ئیسلامی ئێران لەکاتێکدا بەرێوەچوو، کە لەزۆربەی شارەکانی رۆژهەڵاتی کوردستان پرۆسەکە بایکۆت کرابوو، بەپێی بەدواداچوونەکانی رۆژهەڵات نیوز بەشدارییەکە ئەوپەڕی ١٥ لەسەد بووە. بەڵام لە ئاماری فەرمی حکومەتیش لەزۆربەی شارەکانی رۆژهەڵاتی کوردستان بەشداریکردنی هاووڵاتیان ٢٥ لەسەدی تێنەپەراندووە. 

بەڵان هەروەکوو چاوەروان دەکرا، دۆخی پارێزگای ورمێ جیاواز بوو. ئەمجارە بۆ یەکەمجار تەنانەت لە شاری ماکۆش کاندیدای کوردەکان دەنگی یەکەم بەدەستهێنا. لە سەنتەری شاری ورمێ و دەورووبەریش لە کۆی سێ کورسی، کوردەکان دوو کورسی یەکەمیان بەدەستهێنا.

حاکم مەمکان زیاتر لە ١٩٠ هەزار دەنگی بەدەستهێنا، شەهێن جەهانگیریش بە بەدەستهێنانی سەروو ١١٧ هەزار دەنگ پلەی دووەمە بەدەستهێنا. کاندیدایەکی ئازەری بەناوی سەڵمان زاکر دەنگی سێیەمی بەدەستهێنا. ئەوەی جێگەی سەرنجە لە شاری ماکۆ کاندیدایەکی کورد بەناوی عومەر عەلیپوور بە ٤١ هەزار دەنگ توانی کورسی ئەو شارە لە مەجلیسی ئێران بەدەست بهێنێت. 

 لە سنووری هەڵبژاردنی شارەکانی شنۆ و نەغەدەش، کە لەوێش رکابەرایەتی لەنێوان کورد و ئازەریدا هەبوو، عەبدولکەریم حوسێنزادە کە کوردە، دەنگی پێویستی بۆ بوونە پەرلەمانتار بەدەستهێنا. ئەو بازنەی هەڵبژاردنە لە خوولی پێشوودا پەرلەمانتارەکە ئازەری بوو.

 بەڵام لە شارەکانی سەڵماس، سائین قەڵا و خۆی لە پارێزگای ورمێ کە کورد و ئازەری دەژین، بەربژێرانی ئازەری دەنگی زۆریان هێناوە و بوونەتە پەرلەمانتار.

بەم ئەنجامە لە 12 کورسییەکەی پارێزگەی ورمێ لە مەجلیسی شورای ئیسلامی ئێران، کورد 7 کورسی بەدەستهێنا.





3

یەکێتی: دوای جەژن کۆمەڵە دەبێ زرگوێز چۆڵ بکات
چارەنووسی پەنابەرە رۆژهەڵاتییەکانی بەلەمەکەی ئیتاڵیا
فەرەنسا، مۆرەیەکی ئێران لەسەر هەڕەشەکردن لە رۆژنامەنووسێک دیپۆرت دەکاتەوە
حەمید نووری چۆن گیرا و چۆن ئازاد کرا؟
وردەکاری لوتکەی ئاشتی ئۆکرانیا لە سوئیس
ئەمریکا، سەبارەت بە پیتاندنی یۆرانیۆم هۆشداری بە ئێران دا