Weather widget for website
بەپەلە...وردەکاری هێرشەکەی ئیسرائیل بۆ سەر ئێران

بەپەلە...وردەکاری هێرشەکەی ئیسرائیل بۆ سەر ئێران

31 . خاکەلێوە . 2724


سەر لەبەیانی ئەمرۆ هەینی بە کاتی رۆژهەڵاتی کوردستان بۆ یەکەمجار بەرپرسێکی سەربازی ئەمریکا بە کەنالی سی ئێن ئێنی وڵاتەکەی راگەیاند کە ئیسرائیل هێرشی ئاسمانی بۆ سەر هەندێک ئامانج لەناو خاکی ئێران کردووە، ئەگەرچی لایەنی ئیسرائیلی هەر لەسەرەتاوە بە فەرمی قسەی لەسەر نەکرد، بەڵام هەر زوو وردەکاری هێرشەکە لەزۆربەی میدیاکانی جیهان بڵاوکرایەوە.

هەر زوو راگەیاندنەکانی ئێران ناراستەوخۆ ئەو هێرشەیان پشتراست کردەوە، سەرەتا هەواڵدەری تەسنیمی سەر بە سوپای پاسداران رایگەیاند کە لەئاسمان بنکەیەکی سەربازی ئیسفەهان تەقە لە هەندێک درۆنی بچووک کراوە، بەڵام ناتوانن هێرشی موشەکی پشتراست بکەنەوە. دواتر لەمیدیاکانی ئێران و بەرپرسانی ئەو وڵاتە هەوڵی ئەوەیان دا کە هێرشەکە زۆر لەقەوارەی خۆی بچووکتر نیشان بدەن و وردەکاری زۆرتریان بڵاونەکردەوە. بەڵام بەپێی گرفتە ڤیدیۆیەکان کە تایبەت بۆ رۆژهەڵات نیوز نێردراون، دەریدەخات کە تەقینەوەکان لەو بنکە سەربازییەی ئیسفەهان گەورەو کاریگەر بووە.

دواتر ماڵپەری نیۆیۆرک تایمزی ئەمریکا لەسەر زاری سێ بەرپرسی ئێرانی پشتراستی کردەوە، کە هێرش بۆ سەر بنکەیەکی سەربازی ئێران لە ئیسفەهان و نزیک لە بنکەیەکی ئەتۆمی کراوە. ئەرتەشی ئێرانیش رایگەیاند کە سیستەمی دژە موشەکیان تەقەی لەهەندێک درۆنی بچووک کردووە، لەگەڵ ئەوەی ئیسرائیل هێرشەکەی وەئەستۆ نەگرتووە، بەڵام نیۆیۆرک تایمز ئاشکرایکرد کە هێرشەکە بە موشەک و درۆن لەناو خاکی ئیسرائیلەوە و بە فرۆکە بۆ سەر ئێران کراوە.

رۆژنامەی یەدعووت ئاخرونوتی ئیسرائیلی لە راپۆرتێکدا رایگەیاند کە ئامانجی هێرشەکە بۆ سەر بنکە سەربازییەکانی سوپای پاسداران بووە، هێرشەکەش بەشێوەیەک کراوە کە ئیمکانی کۆنترۆڵ کردنی هەبێت، بۆ ئەوەی کاردانەوەیەکی ئەوتۆی ئێرانی لێبکەوێتەوە. ماڵپەری جورزالم پۆستی ئیسرائیلیش لە راپۆرتێکی ورددا رایگەیاند کە هێرشەکە پەیامێکی ئیسرائیل بووە، کە بە ئێران بڵێت کە دەتوانێ بنکە ئەتۆمییەکانی ئەو وڵاتە بکاتە ئامانج. بەپێی زانیارییەکانی ئەو ماڵپەرە ئیسرائیل ٩ ئامانجی ئێرانی کردووەتە ئامانج. جورزالم پۆستیش پشتراستی کردەوە کە هێرشەکە بەمووشەک و لەرێگەی فرۆکەی ئێف ٣٥ کراوە. 

ماڵپەری بلومبێرگی ئەمریکاش رایگەیاند کە ئیسرائیل دوو رۆژ پێشتر کۆشکی سپی ئاگادار کردبوویەوە، کە دەیانەوێ لە یەک دوو رۆژی داهاتوودا هێرش بۆ سەر بنکە سەربازییەکانی ئێران بکەن، لەگەڵ ئەوەش کەناڵی ئێن بی سی ئاشکرایکردووە کە ئەمریکا دەستی لەو هێرشەی دەگوترێ ئیسرائیل بۆ سەر ئێرانی کردووە، نەبووە. لەگەڵ هەمووی ئەوانەش هەواڵدەری رۆیتەرز لەسەر زاری ژمارەیەک سەرچاوەی ئاگادار رایگەیاندووە کە ئێران نایەوێ وەڵامی ئەو هێرشە بداتەوە.

ئەو بنکە سەربازییەی کە لە ئیسفەهان کراوەتە ئامانج، یەکێک لە گرنگترین بنکە سەربازییە ئاسمانییەکانی ئێرانە، زۆربەی فرۆکە شەڕکەرەکانی ئێران لەوێ جێگیر کراون و، کۆگایەکی گەورەی مووشەکی لێیەو لە بنکەیەکی ئەتۆمی گەورەی ئێرانیش نزیکە. گرنگییەکەی بەشێوەیەکە کە سیستەمی دژە موشەکی ئێس ٣٠٠ لەوێ جێگیر کراوە، کە پێشکەوتووترین سیستەمی دژە مووشەکی ئێرانەو دروستکراوی رووسیایە.





3

یەکێتی: دوای جەژن کۆمەڵە دەبێ زرگوێز چۆڵ بکات
چارەنووسی پەنابەرە رۆژهەڵاتییەکانی بەلەمەکەی ئیتاڵیا
فەرەنسا، مۆرەیەکی ئێران لەسەر هەڕەشەکردن لە رۆژنامەنووسێک دیپۆرت دەکاتەوە
حەمید نووری چۆن گیرا و چۆن ئازاد کرا؟
وردەکاری لوتکەی ئاشتی ئۆکرانیا لە سوئیس
ئەمریکا، سەبارەت بە پیتاندنی یۆرانیۆم هۆشداری بە ئێران دا