Weather widget for website
راپۆرتی وەزارەتی دەرەوەی ئەمریکا: دۆخی مافی مرۆڤ لەئێران بەرەو کاڕەساتی مرۆیی دەروات

راپۆرتی وەزارەتی دەرەوەی ئەمریکا: دۆخی مافی مرۆڤ لەئێران بەرەو کاڕەساتی مرۆیی دەروات

4 . گوڵان . 2724


وەزارەتی دەرەوەی ئامریکا لە راپۆرتی ساڵانەی خۆیدا لەسەر دۆخی مافی مرۆڤ رایگەیاند کە دۆخی مافی مرۆڤ لەئێران بەرەو خراپتربوون رۆیشتووەو پێشێڵکارییەکان زیادی کردووە.

وەزارەتی دەرەوەی ئامریکا لەراپۆرتەکەیدا کە باس لەدۆخی مافی مرۆڤ لە ١٩٨ وڵات دەکات، بە وردی باسی لە پێشێڵکارییەکانی مافی مرۆڤ لە ئێران لە ساڵی ٢٠٢٣ دەکات و، تێیدا هاتووە کە کەرامەتی مرۆڤ لە ئێران ناپارێزرێت، ئازادییە مەدەنییەکان لەبەرچاو ناگیرێن، ئیمکانی بەشداری لە پرسە سیاسییەکان بۆ هاووڵاتیان نیەو حکومەتی ئێرانیش لەبەرامبەر هەموو ئەو پێشێڵکاریانەدا وەڵامی داخوازی کۆمەڵگای نێودەوڵەتی و رێکخراوە نێودەوڵەتییە پەیوەندیدارەکانیش ناداتەوە.

بەپێی ئەو راپۆرتە کە رۆژی دووشەممە بڵاوکراوەتەوە، باس لەوە دەکات کە دۆخی مافی مرۆڤ لە ئێران بەرەو کارەساتێکی مرۆیی دەروات و، ژنان و کەمینەکان زۆرترین پێشێڵکاریان بەرامبەر دەکرێت.

لەراپۆرتەکەی وەزارەتی دەرەوەی ئەمریکادا هاتووە کە ٧٨٩ کەس لە ساڵی رابردوو لە ئێران لەسێدارە دراون، ئەوەش دەریدەخات کە رێژە لەسێدارەدانەکان بەراورد بە ساڵی ٢٠٢٢، زیاتر لە ٣٧ لەسەد زیادیکردووە.

لەراپۆرتەکەدا هاتووە کە لەسێدارەدانەکان لەکاتێکدا جێبەجێ دەکرێن، کە هیچ دادگایەکی شەفاف و دادپەروەرانەش لە ئارادانیە و تەنانەت منداڵانیش بە تاوانی جیاواز لەسێدارە دەدرێن. زۆربەی سزاکانی لەسێدارەدانیش لە دادگاکانی ئینقلاب دەردەکرێن و تۆمەتبارەکانیش مافی هەبوونی پارێزەریشیان نیەو زۆربەی کاتیش دانپێدانانی زۆرەمڵێ و لەرێگەی ئەشکەنجەکردن لە بەندکراوەکان وەردەگیرێت.





3

یەکێتی: دوای جەژن کۆمەڵە دەبێ زرگوێز چۆڵ بکات
چارەنووسی پەنابەرە رۆژهەڵاتییەکانی بەلەمەکەی ئیتاڵیا
فەرەنسا، مۆرەیەکی ئێران لەسەر هەڕەشەکردن لە رۆژنامەنووسێک دیپۆرت دەکاتەوە
حەمید نووری چۆن گیرا و چۆن ئازاد کرا؟
وردەکاری لوتکەی ئاشتی ئۆکرانیا لە سوئیس
ئەمریکا، سەبارەت بە پیتاندنی یۆرانیۆم هۆشداری بە ئێران دا