Weather widget for website
رێکخراوی لێبوردنی نێودەوڵەتی: کۆتایی بەو شەڕە لەدژی ژنان بهێنن

رێکخراوی لێبوردنی نێودەوڵەتی: کۆتایی بەو شەڕە لەدژی ژنان بهێنن

19 . گوڵان . 2724

رێکخراوی لێبوردنی نێودەوڵەتی لە نامەیەکدا داوا لە کۆماری ئیسلامی ئێران دەکات، کۆتایی بەو شەڕە بهێنێت کە لەدژی ژنان دەستیپێکردووە.

ئەو رێکخراوە نێودەوڵەتییە رۆژی سێشەممە ١٨ی گوڵان، لە نامەیەکی کراوەدا روو بە ئیبراهیم رەئیسی و سەرجەم بەرپرسانی کۆماری ئیسلامی ئێران، راپەرینی ژن ژیان ئازادی وەبیریان دەهێنێتەوەو دەڵێ لەو کاتەوە کۆماری ئیسلامی ئێران لەرێگەی سەرکوتکردنی ئەو ژنانەی نایانەوێ پابەندی حیجابی زۆرەمڵێ بن، شەڕێکی لەدژی ژنان دەستپێکردووە.

نامەکەی رێکخراوی لێبوردنی نێودەوڵەتی باس لە پرۆژەی "نور" دەکات، کە وەکوو قۆناغێکی نوێی سەرکوتی ژنان لە ئێران دەستی پێکردووە، باسیش لەوە دەکات کە کۆماری ئیسلامی ئێران لەرێگەی توندوتیژی، سەپاندنی حیجابی زۆرەمڵێی بەسەر ژنانی ئێراندا زیاتر کردووە.

نامەکە لە درێژەدا داوای ئازادکردنی بێ مەرجی هەموو ئەو کەسانە دەکات کە بەهۆی پابەند نەبوونی بە حیجابی زۆرەمڵێ دەستبەسەرکراون. رێکخراوی لێبوردنی نێودەوڵەتی لە نامەکەدا رایگەیاندووە کە لە چەند هەفتەی رابردوودا، هێزە سەرکوتکەرەکان بە ماتۆرسیکلێت، پیادەو بە ئۆتۆمبێلی تایبەت لە شوێنە گشتییەکان، ژنان ئازار دەدەن و بەشێوازێک کە وەکوو رفاندن دەچێت، خەریکی دەستبەسەرکردنی ئەو ژنانەن کە نایانەوێ پابەندی حیجابی زۆرەمڵێ بن.







3

یەکێتی: دوای جەژن کۆمەڵە دەبێ زرگوێز چۆڵ بکات
چارەنووسی پەنابەرە رۆژهەڵاتییەکانی بەلەمەکەی ئیتاڵیا
فەرەنسا، مۆرەیەکی ئێران لەسەر هەڕەشەکردن لە رۆژنامەنووسێک دیپۆرت دەکاتەوە
حەمید نووری چۆن گیرا و چۆن ئازاد کرا؟
وردەکاری لوتکەی ئاشتی ئۆکرانیا لە سوئیس
ئەمریکا، سەبارەت بە پیتاندنی یۆرانیۆم هۆشداری بە ئێران دا